CAGAYAN DE ORO CITY – Ipalig-on sa Armed Forces of the Philippines o AFP ang ilang operasyon sa nabiling mga sakop sa Communist Party of the Philippines o CPP-NPA nga wala pa gihapon nakahukom mo-surender pabalik sa gobierno.
Kini sa tuyo nga dili na makahigayon ang mga armado sa pangilkil sa mga kandidato alang sa permit to campaign ug permit to win sa 2025 elections sa nasud.
Miingon si Col Louie Demaala,tigpamaba sa Philippine Army nga hugot ang ilang koordinasyon ngadto sa PNP alang sa paghatag seguridad sa mga kandidato sa piliay sunod tuig.
Nagpasidaan usab ang Philippine Army nga likayan sa mga kandidato nga mohatag sa bisan unsa nga suporta o demanda sa CPP-NPA aron dili sila kasuhan sa kasupakan sa anti-terrorism law.
