Gihulagway sa organisasyong Consumers for Renewable Energy Advocacy in Mindanao (CREAM) nga usa ka dakong leksyon ang nahitabong yellow alert sa NGCP tungod sa pagpalya sa coal power plant sa Kauswagan.
Gipasidaan ni CREAM Project Director Bencyrus Ellorin nga delikado alang sa isla ang pagdepende gihapon sa coal sa halos 50 porsyento sa suplay sa kuryente.
Nabalaka ang opisyal tungod kay ang maong planta giisip pa man unta nga usa sa pinakabag-o nga pasilidad sa rehiyon.
Tungod niini, nanawagan ang grupo nga paspasan na ang pagbalhin sa renewable energy aron masiguro ang lig-ong suplay sa kuryente sa tibuok Mindanao.
