Nalapas na sa 400 parts per million ang concentration sa carbon dioxide sa atmospera nga nakaduso sa mas kusog nga pag-init sa kalibutan.
Subay sa gihatag nga datus ni Bencyrus G. Ellorin, Project Director sa Consumers for Renewable Energy Action in Mindanao (CREAM), sa iyang interbyu sa Bombo Radyo, ang maong ihap miikyas na gikan sa luwas nga sukdanan nga 350 parts per million lamang unta.
Gumikan sa maong kausaban, gikabalak-an sa mga eksperto nga mosamot pa ang kainit sa panahon tungod sa El Niño sugod karong Nobyembre hangtod sa ikaduhang kwarter sa sunod tuig.
Tungod niini, nagpahimangno ang buhatan nga ang maong pagbag-o sa klima magdala og dakong epekto sa agrikultura ug pagkasinati sa mga grabeng pagbaha.
