CAGAYAN DE ORO CITY – Nagtigom ang mga sakop sa Chamber of Real Estate and Builders’ Association ,Incorporated o CREBA nga nakabase sa Kabisayaan ug Mindanao dinhi sa syudad.
Kini sa tuyo nga tukion ang pagtubag sa mas epektibo nga hagit sa housing program ug promosyon usab sa lahutay nga ‘urban development’ sa maong mga rehiyon sa nasud.
Namahayag si CREBA CdeO Chapter President Engr. Chrysler Acebu nga duha nga komperensiya sa tanang mga sakop niini ang dako’g kaakuhan nga makaporma sa mga plano’g mga lakang alang sa mga isyu nga nahisgutan.
Siya miingon nga may mga bisita usab gikan sa kauluhan alang sa mga partisipante kabahin sa gitambungan nga aktibidad sukad kagahapong adlawa.
Masaligon ang CREBA nga makahatag sila sa mga bag-ong mga ideya alang sa mga bag-o ug mga beterano na sa natad sa real states,construction,land development,planning,appraisal, brokers, builders,housing finance ug uban pa.
Hisayrang ang CREBA naglihok sulod na sa sobra 50 ka tuig diin nagsilbing pinakadako nga organisasyon sa real state industry diin anaay 32 ka domestic chapters ug nagkalapad nga presensiya sa international community.
