CAGAYAN DE ORO CITY-Gipusil-patay ang crew sa Chowking sa Gemelina St. Brgy Carmen ning syudad.
Giila ang biktima nga si Aljun Gantalao, gibanabanag nagpangidad sa 25-29 anyos ug molopyo sa Brgy Lapasan ning syudad.
Gibutyag ni Carmen Police Station investigator PSSgt. Ryan Glen Gamber nga nagsakay sa iyang motorsiklo ang biktima dihang pag abot sa maong dapit kalit lamang kining gibabagan sa duha ka suspek ug gipusil.
Nakaangkon sa igo-pinusilan si Gantalao sa ilalom sa iyang ilok nga nagresulta sa kamatayon niini.
Daling misibat ang mga suspek sakay sa taxi human sa hitabo.
Padayon pang giimbesigaran sa kapulisan ang hitabo aron mailhan ang identidad sa mga responsable ug masuta ang motibo sa krimen.
