Mikunhod sa 24.09 porsiyento ang index crimes sa Northern Mindanao sa naglabay nga tuig.
Kini ang gibutyag ni Police Regional Office 10 Regional Director Christopher Abrahano, human mi-ubos ang mga kaso gikan sa 137 niadtong miaging tuig ngadto sa 104 karong tuig alang Pebrero 1 hangtod 26, 2026.
Si Abrahano mi-ingon nga mi-us-os usab ang kaso sa rape, theft, physical injury, homicide ug carnapping sa motorsiklo, samtang walay natalang kaso sa carnapping sa sakyanan sa gitandi nga mga panahon.
Sa kampanya sa ilegal nga droga, nakahimo ang PRO-10 sa 244 ka operasyon nga misangpot sa pagdakop sa 284 ka indibidwal ug pagsakmit sa kapin duha ka kilo nga ilegal nga droga nga nagkantidad sa kapin 14 milyones pesos.
Sa laing bahin, nadakpan usab sa mga kapulisan ang 260 ka wanted persons ug 84 ka pusil ang nasakmit ubos sa kampanya batok sa loose firearms
