CAGAYAN DE ORO CITY – Nakaandam na ang kasong pagsupak sa anti-hazing law,murder ug anti-torture act nga ipasaka sa kapolisan batok sa pito ka kadete ug duha ka doktor sa Philippine Military Academy o PMA ning semanaha.
Kini human gitak-upan na sa kapolisan ang imbestigasyon nunot sa pagka-kulata-patay kang PMA Cadet 4th Class Darwin Dormitorio sa makadaghang higayon.
Namahayag si Baguio City Police Office Director Col Allen Rae Co nga kabahin sa kasuhan sila si Cadet 1st Class Axl Rey Sanupao, Cadet 3rd Class Shalimar Imperial,Cadet 3rd Class Felix Lumbag Jr;Cadet 3rd Class Julius Carlo Tadena, Cadet 3rd Class Rey David John Volante, Cadet 2nd Class Christian Zacarias ug Cadet 3rd Class John Vincent Manolo.
Kasuhan usab ang mga doktor nga sila Capt. Flor Apple Apostol ug Major Maria Ofelia Beloy nga mihatag sa sayop nga findings pagkamatay ni Dormitorio.
