Nakamatikod ang mga social media followers ni Cristine Reyes ug Marco Gumabaw nga wala na nagfollow sa matag usa ang real life celebrity couple.
Kini ang rason nga mitumaw ang “breakup speculations” sa duruha kay wala na gi-follow sa actress sa instagram si Gumabao.
Lakip sa nabantayan ang ilang burado nga mga couple pictures sa mismong IG ni Cristine.
Sa pikas bahin, taliwala nga wala na mag follow si Gumabao sa iyang hinigugma, nagpabilin gihapon sa iyang feeds ang ilang mga sweet photos.
Mahinumduman nga sa miaging tuig gisalikway sa duruha isyu nga sila nagkabulag pulos namugos nga kini tsismis lamang.
Niadtong Agosto 2024, ang duruha nagpakita’g mga senyales sa problema ang ilang relasyon, apan ilang gipamatud-an nga buhi pa ang ilang gugma human sila magpost sa ilang couple shots sa ika-30 nga birthday ni Gumabao.
Hangtod karon, wala pa sila naghatag og opisyal nga pahayag bahin sa ilang relasyon.
