CAGAYAN DE ORO CITY, Philippines – Nangayog pasaylo ang Chief Executive Office ug founder sa cybersecurity company, CrowdStrike, sa dakung distroso nga nahimo sa ilang kompanya sa tibook kalibutan.
Mi-angkon si George Kurtz, nga wala gikahimoot sa global market ang lapad nga IT outage dihang mipalpak ang ilang software update alang sa operating system sa Microsoft Windows.
Gibutyag ni Kurtz nga hinay-hinay nang namalik ang operasyon sa pipila ka bangko ug tugpahanan nga na-delay ang transmission sa mga serbisyo tungod sa palpak nga software update.
Gawas niini, gitin-aw sa kompanya nga walay hacking nga nahitabo sa sistema apan, mi-resulta lamang sa paghinay sa mga computers nga gagamit sa Windows.
Ang Windows maoy operating system sa Microsoft.
Hinoon, wala naapektuhan sa “Blue Screen of Death” software update ang Mac ug Linux.
Ang CrowdStrike nagserbisyo sa 60% nga ihap sa Fortune 500 companies, laing katunga sa Fortune 1,000 ang ilang kliyente.
Mius-os ang presyo sa stocks sa kompanya tungod sa insidente.
