CAGAYAN DE ORO CITY-Modunggo sa magkalahing higayon ang cruise ship sa pantalan sa Cagayan de Oro City ug Camiguin sa Mayo ning tuiga.
Kini isip kabahin sa Manila-Koro Asian Expedition Cruise sa Silver Discoverer nga moabot sa Pilipinas.
Nalatid sa Bahamian registered cruise ship itinerary nga mobiya sa kauluhan ang Silver Discoverer sa Abril 30 aron mohapit sa mga lugar sa Visayas ayha mohidangat sa Cagayan de Oro sa Mayo 6 ning tuiga.
Gilayon usab bisitahon sa maong yati ang isla sa Camiguin sa pagka-Mayo 7 ayha modalikyat sa Koror, Palau.
Makita sa maong cruise ship nga gisakyan sa 100 ka crew ang lain-lain amneties sama sa jogging track, swimming pool; gym and beauty salon; restaurant pool grill; lecture room sa in-depth stories; panoramic lounge;12 ka zodiac boats; glass-bottom boat for exploration sa marine life.
Nagbaton usab kini sa lima ka category nga oceanview suites nga gilakipan sa Medallion, Veranda, Vista, View ug Explorer.
Nasayran nga ang maong yati nga gipadagan sa Silversea Cruises ang may sakay nga 116 ka foreign guests nga mag-stop over sa syudad sa May 6 ug petsa 7 sa Camiguin.
