CAGAYAN DE ORO CITY, Philippines – Gisusi sa Department of Education (DepEd) ang gihingusgan nga Comprehensive Sexuality Education (CSE) o mas naila isip Senate Bill No. 1979 Prevention of Adolescent Pregnancy Act.
Namahayag si DepEd Secretary Sonny Angara nga walay hisgut sa masturbation sa maong sugyot sukwahi sa napakatag nga impormasyon sa social media.
Gitin-aw ni Angara nga tukma ug han-ay ang mga pagtulun-an nga unod sa sugyot nga gimugna ni Senador Risa Hontiveros, ang chairman sa Senate Committee on Women, Children, Family Relations, and Gender Equality.
Una niini, nagpadayag na daan sa pagboycot sa maong sugyot si Presidente Ferdinand Marcos, human nakadawat kinig report nga unod sa sugyot ang pagtudlo sa mga bata nga nagpangida 4-6 anyos sa masturbation.
Gisupak ni Hontiveros ang reaksiyon sa presidente.
