CAGAYAN DE ORO CITY – Panguluhan ni Philippine Army commanding general Lt Gen Romeo Brawner Jr ang gitakdang pag-assume ni incoming 4th ID commander Maj Gen Jose Maria Cuerpo sa umaabot Marso ning tuiga.
Kini alayon sa gitakdang pag-retiro na sa serbisyo ni incumbent commanding officer Maj Gen Wilbur Mamawag nga lumad residente sa dakbayan sa maong bulan sa tuig.
Miingon si Brawner kinsa kanhi usab kumander sa 4th ID nga nagsumikad ang katudluan ni Cuerpo isip bag-ong commanding officer sa Northeastern Mindanao region sa mando ni Pres Bongbong Marcos.
Si Cuerpo kinsa miembro sa PMA Bigkis-Lahi Class of 1990 ang lumad usab nga taga-Iligan City ang kasamtangang deputy chief of staff for personnel sa AFP sa Kampo Krame.
Siya nagsilbi usab nga deputy commander sa 103rd IB,Philippine Army sa dihang miulbo ang lima ka bulan nga gubat tali sa govt forces batok Maute-ISIS terror group sa tuig 2017.
Sa wala pa na-destino sa Kampo si Cuerpo,nangulo una kini isip kumander sa 103rd IB sa Marawi City sulod sa lima ka tuig aron gukdon ang nabiling sakop sa mga terorista.
