CAGAYAN DE ORO CITY – Gitapos na ni Army Major General Jose Maria Cuerpo II ang iyang panerbisyo isip opisyal sa sundalo sa Pilipinas.
Kini human nag-retiro na sa pagka-sundalo si Cuerpo takdo sa iyang katapusang adlaw sa serbisyo sa 4ID,Philippine Army sa Camp Evangelista,Brgy Patag ning syudad kaganihang buntag.
Mismo si Philippine Army commanding general Lt Gen Roy Galido ang nangulo sa seremonya diin gitudlo nga kasamtangang modumala sa 4ID si Brig Gen Consolito Yecla kinsa assistant division commander ni Cuerpo.
Si Cuerpo ang lumad taga-Northern Mindanao ilabina sa syudad sa Iligan City.
Sa iyang pag-graduwar sa Philippine Military Academy “Bigkis-Lahi” Class of 1990 ang una niyang tahas ang madestino mismo sa 58th IB nga nakabase sa rehiyon ilabina sa lungsod sa Claveria,Misamis Oriental.
Hisayrang beterano usab si Cuerpo kay daghan sa mga teroristang Maute-ISIS remnants ang na-neutralized niini dihang nagsilbi pang kumander sa 103rd IB,Philippine Army sa Marawi City,Lanao del Sur.
