Kinahanglang matangtang na ang “culture of violence” o ang pagdayeg sa pagpatay sa social media. Mao kini ang gipanawagan ni Alliance of Concerned Teachers Northern Mindanao coordinator Roland S. Cruz taliwala sa mga seryoso ug bayolente nga insidente sa mga tunghaan sa miaging mga bulan.
Sumala pa kaniya, ang batasan nga mag-comment og “corned beef” sa mga namatay nga aktibista nagatudlo sa mga kabataan nga daw maayo ra ang pagpatay.
Gitug-an usab niya nga bisan overworked ug underpaid ang mga magtutudlo, naningkamot gihapon sila nga makatukod og kultura sa paghigugma.
Hinungdan nga gipahinumdoman ni Cruz ang mga hamtong nga magsilbing ehemplo ug itudlo nga supak sa Sugo sa Ginoo ang pagkuha og kinabuhi.
