Gibalik sa pagdetenar ang kontratista nga si Curlee Discaya ngadto sa Senado human ang iyang operasyon sa tuo nga abaga.
Gikumpirma kini ni Senate Secretary Mark Llandro Mendoza ug matud niya nga maayo ang kahimtang ni Discaya.
Mahibaloan nga usa ka semana siyang anaa sa ospital para sa surgery, ug dugang pa ni Mendoza nga ipadayon ang pagpaayo sa kontratista didto sa Senado.
Mahinumduman nga gidetinar kini sa Senado sugod pa atong Setyembre sa niaging tuig human gi-cite in comtempt sa Senate Blue Ribbon Committee ang gihimong hearing sa anomaliyang flood control projects. (riza budlao)
