CAGAYAN DE ORO CITY – Gihataga’g Environmental Justice Award sa EcoWaste Coalition si Customs Cagayan de Oro collector John Simon via online ceremony kagahapong adlawa.
Miingon si Aileen Lucero,national coordinator sa grupo nga tungod kini sa paspas nga aksyon ni Simon aron mapalayas ang sobra 7-mil ka tonelada sa imported garbage sa Verde Soko gikan sa South Korea nga gilabay sa Sitio Bugwak,Brgy Sta Cruz,Tagoloan ning lalawigan.
Gibutyag ni Lucero nga tungod sa krusada ni Simon nabalik sa South Korea ang basura sulod lamang sa duha ka tuig diin makapila nag-anhi ang Korean officials tungod sa maong kontrobersya.
Samtang gipahilapayan usab sa Malakanyang pinaagi ni Sec Martin Andanar sa Presidential Communications Operations Office o PCOO si Simon.
Kini tungod sa pasidungog nga nadawat ni Simon nga Environmental Justice Award gikan sa EcoWaste Coalition.
Miingon si Andanar nga nagdala’g garbo alang sa gobierno ang pro-environment advocacy ni Simon pinaagi sa re-exporation sa 7-mil ka tonelada nga South Korean garbage nga gilabay sa Tagoloan,Misamis Oriental.
