CAGAYAN DE ORO CITY – Dismayado si Mindanao Container Terminal o MCT port collector John Simon sa mga tawo nga responsable sa pagsunog sa mga basura nga iya sa Verde Soko Philippines Industrial Corporation diha sa Sitio Bugwak,Brgy Sta Cruz,Tagoloan,Misamis Oriental.
Si Simon miingon nga dako ang iyang pagtoo nga hinimoan kini sa mga opisyal sa Verde Soko aron dili na sila makaggasto’g P7.5 million sa pagpabalik sa basura padulong South Korea.
Apan masaligon si Simon nga dili molampos ang dautan nga tinguha sa maong kompaniya ug gipanganti niini nga manubag ang nagtuyo’g sunog sa mga basura.
Una nang gikompirmar ni Simon nga ”ready for shipping” na ang mga basura gikan Tagoloan padulong sa pantalan.
