CAGAYAN DE ORO CITY-Gikalipay sa Mindanao International Container Terminal o MICT nga hingpit nang nakasuhan ang
kadagkuan sa Verde Soko Philippines Industrial Corporation sa piskalya sa syudad.
Kini human unang giimbestigaran sa National Bureau of Investigation o NBI-10 tungod sa pagpalusot sa dul-ag 7-mil ka tonelada nga mga basura gikan sa South Korea pasulod sa Tagoloan,Misamis Oriental.
Miingon si MICT port collector John Simon nga higayon usab kini aron makatubag ang Verde Soko batok sa kasong Toxic and Hazardous Waste Act ug RA 10863 “An Act Modernizing the Customs and Tariff Administration”.
Kabahin sa gikasuhan sila si Neil Alburo, president ng Verde Soko Philippines Industrial Corporation; Maria Jonessa Fung, treasurer;Theresita Ceralde, corporate secretary; Deolita Sabellosa, Jae Ryang Cho, Chul Soo Chu, Sena Na,Marcelo Ouano Jr ug daghan pang uban.
