CAGAYAN DE ORO CITY – Giprangkahan ni Citizens Watch for Good Governance o CWGG 10 convenor Atty. Antonio Soriano ang publiko kabahin sa posibilidad nga makabalik pa’g dagann pagka-presidente si kanhi Pangulong Rodrigo Duterte sa 2028 elections.
Kini human nag-ungaw ang alanganin ang political career ni Vice Pres Sara Duterte nga adunay impeachment complaint nga naka-pending sa senado gikan sa kamarabaha.
Miingon si Soriano nga kutob lang sa opinion ang gisulti ni Davao del Norte 1st District Cong. Pantaleon Alvarez nga si Digong ang modagan sa 2028 presidential elections kay tataw na kining gidili sa batakang balaod.
Hinoon, dako’g tsansa nga mapili nga sunod nga presidente si VP Sara batok sa manok nga ituboy ni Pres Bongbong Marcos kon dili usab kini konbiktuhon ug did-an sa impeachment court nga makadagan pa sa elective position sa pagdungog sa pito ka reklamo batok kaniya.
Hisayrang kabahin sa sukdanan sa puwersa ni Marcos ug mag-amahang Duterte sa 2028 elections ang mahimong resulta sa May 12 elections ning tuiga.
