CAGAYAN DE ORO CITY – Wala na’y bilib ang grupong Citizens Watch for Good Governance 10 sa gidala nga papel sa simbahang Katolika pag-abot sa piliay sa nasud.
Kini tungod kay gipatughan nila ang ilang pagka-bayas pinaagi sa dayag nga pagsuporta sa kandidatura kaniadto ni kanhi Vice Pres Leni Robredo nga miatbang kang Pres Bongbong Marcos.
Miingon si CWGG 10 convenor Atty. Antonio Soriano nga wala pa malimot ang katawhan kon giunsa paggamit sa taga-simbahan ang ilang impluwensiya aron makadaug kaniadto si Robredo.
Bisan ang National Citizens’ Movement for Free Elections o NAMFREL ug Parish Pastoral Council for Responsible Voting o PPCRV ang na-kuwestiyon usab sa ilang pagsilbing watchdogs sa matag-eleksyon.
