CAGAYAN DE ORO CITY-Gisugyot sa Citizens Watch for Good Governance o CWGG nga si Kagawad Atty. Nadya Emano-Elipe ang mohulip sa kandidatura sa mipanaw niyang amahan nga si former City Mayor Vicente ”Dongkoy” Emano.
Gihimo ni CWGG convenor Atty. Antonio Soriano ang pahayag nunot na sa pangutana sa katawhan kon kinsa ang mohulip kang Emano sa gidaganan niini nga posisyon isip bise-mayor sa dakbayan.
Si Soriano miingon nga si Nadya lamang ang most reliable ug most trusyworthy nga mohulip sa kandidatura sa iyang amahan.
Una niini, namatay si Dongkoy sa edad nga 76-anyos tungod sa pnuemonia.
Samtang gitin-aw ni Comelec regional director Atty Jay Balisado nga hulatan nila ang desisyon sa pamilyang Emano kon kinsa ituboy nga ihulip sa kandidatura ni ”Dongkoy”.
Sumala ni Balisado nga abli ang buhatan sa pagdawat kon kinsa man ang ilang ipuli kang Emano nga nagpapili isip bise mayor sa syudad.
Apan gitin-aw ni Balisado nga kinahanglang “Emano” gihapon ang mopuli nga kandidato nga miembro sa ilang pamilya tungod kay naprinta na ang balota.
Una nang gisugyot sa Citizens Watch for Good Governance nga si Emano-Elipe ang mohulip sa kandidatura sa iyang amahan.
