CAGAYAN DE ORO CITY-Idangop sa kampo ni Sen Antonio Trillanes ang gihimong pag-ipit sa Duterte administration pinaagi sa
subli pagpapriso kaniya sa kasong rebelyon ug kudeta.
Kini human nadiskobre sa Dept of Justice nga wala masunod ni Trillanes ang gipangayo nga rekisito sa gihatag kaniya nga amnestiya ni kanhi Pres Noynoy Aquino.
Miingon si kaalyado ni Trillanes nga si Magdalo partylist Rep Gary Alejano nga klaro nga pag-ipit ang gihimo ni Pres Rodrigo Duterte apan sila mosukol niini.
Namugos si Alejano nga nasunod ni Trillanes ang amnesty requirment rason nga gipasaylo ni Aquino dihang gi-kudeta nila ang liderato ni kanhi Pres Gloria Arroyo sa isyu sa lapad nga kurapsyon.
Samtang diktar sa politika gikan ni kanhi presidente ug karon House Speaker Gloria Arroyo kon nganong tuyo subli sikupon ug ipapriso sa Duterte administration si Trillanes.
Pagtoo kini ni Atty Antonio Soriano,convenor sa Citizens Watch for Good Governance o CWGG kon nganong giukay sa Dept of Justice ang kasong rebelyon ug kudeta ni Trillanes sa korte.
Miingon si Soriano dili angay limtan sa katawhan nga sa panahon ni Aquino,napriso sulod sa upat ka tuig si Arroyo ug na
impeach usab si late Supreme Court chief justice Renato Corona.
Samtang dili angay magpa-apekto ang katawhan sa lihok-politika tali sa Duterte admistration ug kampo sa oposisyon sa kauluhan.
Giya kini ni Soriano tungod sa laraw sa gobierno nga dakpon sa kasong rebelyon ug kudeta si Trillanes.
Miingon si Soriano nga nagsilbing kalingawan lamang ang bangi sa politika apan maoy labing seryoso nga suliran sa katawhan ang kamahal sa batakang palaliton.
Gani,lakip si Soriano nga pag-divert lamang sa atensyon ang gihimo sa gobierno aron dili ma-pokus ang dagkong problema sa nasud.
