CAGAYAN DE ORO CITY-Gikalipay sa Citizens Watch on Good Governance o CWGG ang pinakamaayong lakang nga gihimo ni Pres Rodrigo Duterte batok sa mga kurakot nga mga opisyal sa nasud.
Labing ulahing gilangkat ni Duterte sila DILG Sec Mike Sueno ug DA Undersecretary Maia Chiara Halmen Reina Valdez.
Sa pakighinabi ni CWGG convernor Atty Antonio Soriano, hugot siyang nagtoo nga lig-on ang intelligence community ni Pres Duterte tungod kay dili man kini basta basta nga mulangkat sa usa ka opisyal sa gobyerno nga walay bug-at nga basehan.
Samtang sukwahi sa giyera batok sa administrasyong Duterte, gisuportahan sa CWGG ang “war against corrupt officials” sa kasamtangang administrasyon.
Matud ni Soriano nga nalipay sila kay dagkong mga opisyal ang gipanglangkat sa presidente gamit ang iyang “executive power”.
Apan, giklaro ni Soriano nga hangtud karon wala uyuni sa CWGG ang pagpatay ug pagdakop sa mga pobreng indibidwal nga nalambigit sa ilegal nga druga.
