CAGAYAN DE ORO CITY, Philippines – Gikan sa ika-61 spot, misaka pa sa ika-53 ang Global Cybersecurity Index (GCI) sa Pilipinas.
Nagtuo si Department of Information and Communications Technology (DICT) Secretary Ivan John Uy nga ang dakung kalambuan sa cyber security sa nasud nagsumikad sa National Cybersecurity Plan (NCSP) 2023-2028 nga gihan-ay sa ahensya.
Subay sa report sa 2024 United Nations GCI ang nasud mitikang sa pito ka ang-ang tungod sa pagbaton sa cybersecurity score nga 93.49 points gikan 77 points sa tuig 2020.
Magkinahanglan nalang ang Pilipinas sa 1.51 puntos aron makasulod sa Tier 1, kung diin gilangkoban kini sa mga kanasuran nga may pinaka maayong balaod sa cybersecurity, teknolohiya, organisasyon, pagbansay-bansay ug pagbaton sa lig-ong international cooperation.
Niadtong Abril, gilagdaan ni Presidente Ferdinand Marcos Jr., ang Executive Order No. 58 nga nagmando sa tanan government agencies nga i-adaptar ang NCSP 2023-2028 aron mapanigurado nga protektado ang ansusd sa cyberattacks ug online threats.
