CAGAYAN DE ORO CITY-Gibutyag sa Department of Agriculture -10 nga igo ang suplay sa bugas sa rehiyon.
Gihupay ni DA-10 assistant regional director for Operations Engr Roxanne Ojas ang kabalaka sa publiko sa posibilidad nga magkulang ang suplay sa bugas hinungdan nga kalit nga misaka ang presyo sa matag kilo niini.
Dugang ni Ojas nga kasamtangan karon nga nag-harvest sa humay ang mga mag-uuma hinungdan nga igo ang suplay sa bugas.
Nanghinaut si Ojas nga walay katalagman nga moabot sa tibook rehiyon.
Kini sa tumong nga dili maapektuhan ang suplay sa bugas.
Asoy ni Ojas nga nakuha sa DA ang ilang target production alang sa unang semester ning tuiga.
Apan, giangkon niini nga maapektuhan kini kun ugaling adunay katalagman nga mahitabo sa tibook rehiyon.
