Gipahugot sa Department of Agriculture Region 10 ang paggamit sa locally available nga abono ug soil ameliorants aron mamenosan ang pagsalig sa imported nga kemikal nga abono.Sumala ni DA-10 Director Jose Apollo Pacamalan, kabahin kini sa mas lig-on nga soil management program sa rehiyon nga gisuportahan sa mobile soil laboratory ug advanced soil testing equipment nga gigamit sa pag-analisar sa kayutaan sa Bukidnon. Pinaagi niini, matino ang sakto nga pag-abono nga makatabang sa pagpaubos sa gasto sa mga mag-uuma ug makapausbaw sa produksiyon. Dugang pa niya, lig-on ang agrikultura sa Northern Mindanao nga nagapadayon sa pag-supply sa mga utanon ngadto sa ubang rehiyon sama sa Region 9, Region 13 ug bisan sa Cebu. Busa, gi-awhag sa DA ang mga mag-uuma nga gamiton ang available nga yuta alang sa tanom aron mas mapalig-on ang produksyon ug masiguro ang kalig-on sa suplay sa pagkaon.
