CAGAYAN DE ORO CITY – Nakompiskar sa hiniusang operasyon sa Dept of Agriculture ug Bureau of Customs ang balor 50 milyon pesos nga kandidad sa mga bombay nga gikan sa China sa dihang midunggo sa Mindanao Container Terminal sa Tagoloan,Misamis Oriental.
Mismo si DA Assistant Secrectary for Economic Intelligence Federico Laciste Jr ang midalikyat sa MTC ug sinaksihan sa Customs officials aron ablihan ang 18 ka container vans nga karga sa MV NORDMASS diin nakasulod ang ismagol nga mga bombay.
Siya Laciste miingon nga ang pagkasapon sa kontrabando nga iya sa R2H Trading ang resulta sa intelligence sharing hinungdang gidangop nila kini sa Customs aron dili makaabot sa mga merkado.
Unang gipatoo nga ‘acidified cream ug smoked crawfish ang kargamento apan pulos lamas ang nakasulod sa container vans kagahapong adlawa.
