Lauman ang dugang kalambuan sa sektor sa agrikultura alang sa sunod duha hangtud upat ka tuig.
Gibutyag ni Department of Agriculture Assistant Secretary Arnel de Mesa nga mupatuman sa managlahing modernization ug mga proyekto aron managhan ang mapalugwa nga produkto sa sektor.
Sunod tuig pundohan sa goberno ang solar-powered irrigation projects dungan ang pagtukod sa Philippine Pipe Irrigation Network System alang sa mga mag-uuma.
Laing 17 ka lokasyon sa Pilipinas ang pondohan alang sa pagtukod sa cold storage facility ug food terminals nga magamit nga libre alang sa mga mag-uuma ug mangingisda.
Mokabat sa 1.25 B pesos ang pondo nga gialokar sa administrasyong Marcos alang sa maong tumong ubos sa Philippine Rural Development Project; Fish Resiliency Core Project sa Bureau of Fisheries and Aquatic Resources ug ang Mindanao Inclusive Agri Development Project.(Bombo Anne Quileste).
