CAGAYAN DE ORO CITY, Philippines – Mipasidaan ang Department of Agriculture (DA) sa tanan online shopping platforms nga rehistrado sa Bureau of Internal Revenue, ug mga un-registred shopping pages nga anaa sa facebook ug tiktok.
Nunot kini sa nagkatag nga mga tambal ug bakuna batok sa avian influenza (AI) nga gibaligya – ‘online’. Gitin-aw ni Agriculture Assistant Secretary Arnel de Mesa nga wala mirekomendar ang DA nga mupalit sa maong mga tambal kay gidili kini sa balaod.
Sa miaging semana, mipagawas sa susamang pasidaan ang Bureau of Animal Industry (BAI) batok sa mga online sellers nga padayong namaligya sa bakuna tungod kay mabutang lang sa risgo ang ilang mga binuhing manok.
Base sa nadiskobrehan sa DA, mapalit ang AI H5N1 vaccine sa 100ml ug 200ml kundiin mukantidad kini sa tag 423 hangtud 790 pesos, matag dose. Ang AI H5N1 vaccine maoy gigamit nga tambal sa DA batok Bird Flu, apan ang mga baligya sa online, walay sertipikasyon gikan sa Food and Drug Administration ug sa BAI.
Ang silot sa pagpamaligya sa tambal nga wala nagsumikad sa rehistradong botika mulangkob sa pagkabilanggo gikan sa dose ka tuig ug usa (1) ka adlaw hangtud sa baynte ka tuig. Multahan usab ang mga komprador sa mga tambal sa balor sienmil hangtud sa 500,000 pesos.
