Mipatuman sa halos piso nga pagsaka-ug-kanaug ang presyo sa produktong petrolyo ugmang adlawa, Martes, Oktobre 21.
Subay sa forecast sa Department of Energy – Oil Industry Management Bureau (DOE-OIMB) ang kada litro sa Gasolina mupatong sa tag 10 sentabos.
Samtang ang presyo sa Diesel mukunhod sa tag 70 sentabos per litro.
Ang gaas o Kerosene, magminus sa 60 sentabos per litro.
Sa pagsugod sa tuig 2025 hangtod sa pagpatuman sa mga bag-ong kausaban, misaka na ang presyo sa gasolina ug diesel og P15.30 kada litro ug P17.15 kada litro, matag usa.
Samtang ang kerosene nakasinati og kinatibuk-ang pagsaka sa presyo nga P4.85 kada litro sulod sa maong tuig.
Ang Seaoil mupatuman sa dagdag bawas sugod alas 6 sa buntag, samtang ang CleanFuel mupatuman sa oil price adjustment sa alas 8 sa buntag.
