Mas paborabli alang kang kanhi Misamis Oriental Vice Governor Joey Pelaez nga mu-aginod na ang impeachment hearing ni Vice President Sara Duterte aron dali ra usab mahuman ang hearing, ug makatrabaho na ang mga magbabalaod sa ilang tahas sa pagpanday sa balaod nga makapakunhod sa mas bug-at nga mga suliran nga giatubang sa nasud.
Kini gilangkoban sa suliran sa nagsaka nga presyo sa nag-unang palaliton ug batakang serbisyo.
Ang mas grabe pa, mao ang walay kasulbaran nga halapad nga korapsyon sa pondo gikan sa flood control projects sa Department of Public Works and Highways (DPWH) bisan tataw na nga adunay mga ngalan sa mga magbabalaod nga nangawas ug gipang-akusar, apan, bisan usa kanila ang wala pa makasuhan.
