Pagkatangtang sa serbisyo ang dangatan sa usa ka pulis nga tambok o overweight.
Kini maoy bag-ong direktiba nga gipagawas ni PNP Chief Gen. Nicolas Torre III. Si Torre namahayag nga mas importante nga physically fit ang usa ka pulis aron paspas ang pagresponde sa mga krimen o tawag sa emerhensiya.
Ang Chief PNP namugos nga walay luna sa PNP ang pulis nga gapadako sa tiyan ug sa timbang kay dili kini standard sa ilang organisasyon.
Sa pagkutlo ning balita, miabante na ang mandatory physical fitness test sa PNP sulod sa usa ka tuig, aron anaa pay tsansa nga magpakunhod sa timbang ang mga bus-ok ug tiyan.
Hisayran nga striktong target ni Torre ang dili sobra sa lima ka kilo gikan sa ilang ideal weight, base sa ilang gitas-on, edad, ug kasarian. Lakip sa “daily quiz” ni Torre ang rekisitos nga 40 push ups!
