Misaka pa sa kapin 886-mil ka mga tawo ang natala sa Police Regional Office-10 nga nidagsa sa nagkalain-laing sementeryo sa Amihanang Mindanao sa natapos nga obserbasyon sa Undas 2026.
Gibutyag ni PRO-10 Spokesperson PMAJ Joann Navarro nga nisaka ang maong talaan gikan sa unang gibana-bana nga 679-mil base sa pinal nga accounting sa mga Police Assistance Desks.
Bisan pa sa kadaghan sa tawo lakip ang mga bisita ug turista gikan sa gawas sa rehiyon, gipasalig sa buhatan nga pabilin nga malinawon ug walay dagkong insidente nga natalang nakabalda sa saulog.
Dugang sa opisyal, gihatag na sa buhatan ngadto sa mga field commander ang pagdesisyon sa pag-pull out sa mga pulis depende sa seguridad sa matag lugar.
