Gipaambit ni Brazilian actress-TV host Daiana Menezes ang iyang grabeng mga pagsulay nga naagian sa pagbaton sa breast cancer.
Kini sa tuyo nga madasig usab ang ubang kababayen-an nga mibati’g kaluya o kadiskorahe gumikan pagtakboy sa maong sakit.
Siya miingon nga angayang magmatngon sa kanunay ang kababayen-an sa maong sakit aron paspas nga maatiman ug matambalan.
Siya miingon nga mibati kini’g kaluya sa sinugdanan apan mibarog siya ug giatubang ang maong pagsulay sa kinabuhi.
Kini tungod kay mas mosamot ang pagkaylap sa maong sakit kon magpadaug sa kaluya ang usa ka tawo nga anaa niini.
Gisaysay sa actress nga miagi siya sa daghang medikasyon sugod tuig 2018 hangtod nga nahatagan pa kini’g dugang grasya sa kinabuhi ug nagsilbi nang cancer-free.
Si Meneses nakaanhi usab dinhi sa Cagayan de Oro sa miaging katuigan dihang trato pa niini si kanhi Cong. Benjo Benaldo.
