Gipanawagan ni Monsignor Raul Ricacho, ang Rector sa St. Augustine Metropolitan Cathedral, ang dinalian nga pag-atiman sa kinaiyahan taliwala sa nasinatiang taas nga heat index sa nasod.
Subay niini, isip dakbayan sa Higalaay, gipahayag niya nga kinahanglang higalaon sa tawo ang palibot tungod kay giisip kini nga atong komun nga panimalay.
Agi’y tubag sa maong krisis sa klima, gidasig usab niya ang publiko nga magtanom og daghang kahoy aron mabalik ang kanindot sa kalibutan ug makatabang sa pagpakunhod sa kainit.
Hisayran nga ang maong lakang nagsubay sa gipangulohan kaniadto ni Pope Francis bahin sa pagpreserba ug pagpanalipod sa atong komunidad ug palibot.
