Dili paigo nga si kanhi Speaker Martin Romualdez ra ang dakpon, kundili kinahanglang patubagon ang tanang nalambigit sa anomalya sa flood control ug pondo sa gobyerno.
Mao kini ang gipahayag ni Youth Rage Against Corruption National Convenor Joaquin Buenaflor, diin gitin-aw niya nga kinahanglang manubag usab ang mga kontraktor ug ang mga opisyal nga nipirma sa balaod sa pondo nga adunay gipangtago nga tikas.
Gipadayag sa grupo nga dili sila matagbaw sa pagresign ra sa pipila ka opisyal samtang gipahilom ug wala mapangitai ang bilyon-bilyong pesos nga nawala sa kwarta sa katawhan.
Tungod niini, manguna ang maong grupo sa usa ka dako nga lihok-protesta karong Septiyembre 21 aron iduso ang sakto ug patas nga hustisya batok sa tanang kurakot.
