Gipakita sa bag-ong feasibility study nga dugay nang kinahanglan ang pagtukod sa bag-ong Government Complex sa Cagayan de Oro tungod sa kahuot ug kakulang sa luna sa kasamtangang City Hall.
Gipahayag ni Dr. Jestoni Babia sa Technical Working Group nga miabot sa 80% sa mga respondents ang nagpakita og kapakyas sa daang pasilidad ug nangita og mas paspas nga serbisyo.
Apan giklaro sa opisyal nga aduna gihapoy mga konsiderasyon sa pagpatuman aron masiguro nga magmapuslanon ug epektibo ang maong lakang.
Aron matubag ang kabalaka sa katawhan sa 8.5 billion pesos nga pondo alang sa proyekto, gipasabot nga himoon kini pinaagi sa matag hugna o phase.
