Nipadayag sa ilang grabeng kabalaka ang Bagong Alyansang Makabayan kun BAYAN sa padayon nga pagbalik-balik sa mga karaang problema sa nasod atol sa ika-54 nga anibersaryo sa Martial Law karong adlawa, Lunes, Setyembre 21.
Mao kini ang gipahayag ni Jaime Paglinawan gikan sa BAYAN samtang nanawagan siya og dakong lihok-protesta batok sa gitawag niyang korap ug pasistang gobyerno.
Gitin-aw ni Paglinawan nga subay sa ilang rekord, miabot na sa 19.37 trilyon pesos ang utang sa Pilipinas nga mas nidako pa kumpara sa 26 bilyon dolyares nga utang sa nasod kaniadto.
Tungod niini, gihagit sa grupo ang publiko nga tun-an ug dili gyud kalimtan ang maong mangitngit nga kasaysayan aron dili na kini masubli pa karong panahona
