CAGAYAN DE ORO CITY-Gitoohan nga giatake sa sakit sa kasing-kasing ang usa ka ginang nga nalumos-patay sa Phase 2 Villa Ernesto, Brgy Gusa ning syudad.
Ang biktima giila nga si Eleucadia Moreno Lao, 68-anyos, ug residente sa Jr Borja Extension ning syudad.
Sumala ni SP03 Ronnie Donasco, imbestigador sa Agora Police Station nga nakita na lamang sa mga residente ang biktima nga kalit naligid samtang naligo sa dagat ug nagbula-bula ang baba.
Dili na interesado ang kapikas sa biktima nga ipaubos kini sa otopsiya ilabina nga dako ang iyang pagtoo nga walay foul play sa kamatayon sa biktima.
Si Lao ang kapikas sa tag-iya sa ilado nga Aya Commercial ning syudad.
