Padayon pa ang gihimong beripikasyon sa mga awtoridad aron masuta ang eksaktong ihap sa mga pamilya ug indibidwal nga naapektuhan human miulbo ang dakong sunog sa Sitio Little Cebu ug Gaabucayan sa Barangay Lapasan.
Gibutyag ni F02 Angelo Daisog, fire arson investigator sa Lapasan Fire Station, nga gibana-banang moabot sa 70 ka panimalay ang naugdaw sa maong insidente.
Hinuon, gikumpirma usab niya nga luwas na ang tanang residente nga nakaangkon og minor nga samad sa tiil samtang nagdali sa pag-evacuate tungod kay nakadawat na sila og tukmang first aid.
Samtang nagpadayon ang pagpanglimpyo sa dapit, giklaro ni F02 Daisog nga padayon pa usab ang gihimong lawom nga imbestigasyon sa kabomberohan aron matino ang hinungdan sa maong sunog.
