Gibisita ni Presidente Ferdinand R. Marcos Jr., ang warehouse sa usa ka iladong kompanya sa canned fish ug meat sa Biñan, Laguna isip kabahin sa paningkamot sa gobyerno nga masiguro nga igo ang suplay sa pagkaon sa nasod.
Kauban sa Presidente sa iyang pag-inspeksyon sa warehouse si DTI Secretary Maria Cristina Roque.
Gipasiguro ni Presidente Marcos nga hapsay ang suplay sa pagkaon sa nasod ug kontrolado ang presyo niini sa merkado.
Sumala sa Presidente, aktibo nga nagtinabangay ang mga ahensya sa gobyerno uban sa ilang mga kaabag nga food suppliers aron masiguro nga igo ang adlaw-adlaw nga panginahanglan sa katawhan.
