CAGAYAN DE ORO CITY-Emosyonal nga nangayo’g panabang sa mga opisyal sa barangay ang18-anyos nga dalaga kinsa biktima sa pagpanglugos sa Zone 6, Brgy Bonbon ning syudad.
Matud ni Bonbon Brgy Kap Allan Mabalacad nga ilang tabangan ang biktima aron kasuhan ang trisikad drayber ug security guard nga si Jorge Raymundo, 43-anyos, taga Cadingilan Bukidnon.
Gilugos matud pa ang biktima sa suspek sulod sa usa ka inn sa dihang nagpahatod kini sa suspek sa maong lugar.
Samtang gipanghimakak sa suspek nga si Jorge ang alegasyon nga iyang gilugos ang 18-anyos niini nga pasahero.
Siya miingon nga tinood nga nagpahatod kaniya ang biktima sa usa ka videokehan apan walay nahitabo kanila.
Gani, hugot nga gipanghimakak sa suspek ang alegasyon nga iyang gipanamastamasan ang biktima.
Asoy pa niini nga iya lamang giubanan sulod sa inn ang biktima samtang naghulat sa iyang mga barkada sulod sa usa ka oras ug walay nahitabo kanila.
