CAGAYAN DE ORO CITY- Ipaubos sa kapolisan sa otopsiya ang patay’ng lawas sa usa ka babaye nga naghikog diha sa Zone 6,Brgy Bulua sa syudad kagahapon sa hapon.
Giila ang biktima nga si Jenny Fronda,hingkod ang panuigon nga nagpuyo sa maong dapit.Subay sa report,gikan nag-inom ang biktima sa ilimnon nga tuba kuyog sa mga higala niini sa maong dapit.
Naghikot sa li-og ang biktima diin nakit-an na lamang kining wala na’y kinabuhi.
Hinoon,kumbinsido ang kapolisan nga walay foul play ang kamatayon sa biktima apan gisugyot pa gihapon nga mapaubos kini sa otopsiya.
Hisayrang milugwa ang report nga naghikog ang biktima tungod sa bangi sa gugma diin ang ka-relasyon nga lalaki niini ang mibiya kaniya.
