CAGAYAN DE ORO CITY – Na-kustodiya sa kapolisan ang 20 anyos nga dalaga nga dili gusto pangalan atubangan sa publiko kinsa nagmaneho sa SUV Fortuner nga gibanggaan sa duha ka motorsiklo nga nag-drag race sa Corrales Extension ning syudad.
Kini human nag-resulta sa kamatayon sa duha ka motorista ang maong bangga nga naglakip sa mga namatay’ng mga biktima nga sila Rex Paje ug Ken Clark Valmoria,mga legal ang edad,pulos nagpuyo sa Brgy Puntod ning syudad.
Miingon si Police Staff Sgt Rhodore Zambas,imbestigador sa COCPO Traffic Unit nga dead on the spot ang mga biktima gumikan sa panagsungag sa ilang gisakyang motorsiklo ug fortuner.
Nasuta nga nakainom ug walay gisul-ob nga helmet ang mga biktima kinsa pulos miembro usab sa fraternity dinhi sa syudad.
Hisayrang nag-head on collission ang motorsiklo ug SUV hinungdan sa duguong aksidente.
