CAGAYAN DE ORO CITY – Gisugyot sa kapolisan nga ipaubos sa otopsiya ang patay’ng lawas sa babayeng helper nga nakit-ang patay sulod sa kuwarto diha sa Pasil,Brgy Kauswagan ning syudad.
Giila ni Police Executive Master Sgt Fernando Lasponia sa Carmen Police Station ang biktima nga si Euma Acunia,legal ang edad,dalaga ug nagpuyo sa Cabanglasan,Bukidnon.
Miingon si Lasponia nga mismo ang agalon nga si Christopher Mabaylan ang naka-diskobre sa patay’ng lawas sa biktima sulod sa gipondohan nga kuwarto niini.
Nagtoo si Mabaylan nga giurom ang biktima hinungdan sa iyang kamatayon.
Una nang gibutyag sa kapolisan nga walay foul play nga ilang nakita sa imbestigasyon sa hitabo.
