CAGAYAN DE ORO CITY – Gikuha na sa iyang pamilya ang patay’ng lawas sa babayeng dalaga sa Bukidnon nga unang nakit-ang nalumos sa seaside sa Kolambog,Brgy Lapasan ning syudad.
Kini human nailhan ang biktima sa pangalang Diosdada Sasil 45 anyos nga taga-Brgy Sto Nino,Manolo Fortich,Bukidnon.
Gibutyag ni Police Chief Master Sgt Ronnie Nonasco sa Agora Police Station nga igo ra naligo ang biktima dihang kalit kining nalumos hinungdan sa kamatayon niini.
Gikompirmar usab ni Donasco nga wala sila’y nakita nga foul play sa kamatayon sa biktima kinsa giingong naghambin sa apan sa pangisip dihang nagpakabuhi pa kini.
