CAGAYAN DE ORO CITY – Gikalipay sa pamilya sa 25 anyos nga dalaga nga dako kining buhi ug walay dautang nahitabo sa sobra duha ka semana nga paglakaw sa ilang balay sa wala matug-an nga hinungdan nga dunay adres nga Brgy San Vicente,Magsaysay,Misamis Oriental.
Kini human nabaniug nga gidagit ang biktima nga si Clariza Abante Ajan nga naghatag sa grabeng kabalaka sa iyang pamilya ug bisan sa kompanyang Gama Food Corporation nga nakabase sa Sitio Kitam-is,Brgy Lunocan,Manolo Fortich,Bukidnon.
Gibutyag sa interbyu sa Bombo Radyo ni Manolo Fortich Municipal Police Station commander Col Harvey Sanchez nga mismo ang biktima ang nagpaabot sa mensahe ngadto sa iyang pamilya aron ipahibalo nga anaa lang siya sa maayong kahimtang.
Nakahimo na usab sa pakig-messenger call ang biktima ngadto sa iyang pamilya apan wala pa lang mouli kay padayong nagpalamig sa gibati niini.
Hinoon,wala na ibutyag kon nganong milakaw nga walay pananghid ang biktima sa iyang pamilya ug sa kompanya diin siya nagtrabaho.
Naalarma ang mga kaila sa biktima ug mga kauban sa trabaho kay kalit-kalit ang hukom niini nga wala nagpakita sulod sa sobra duha ka semana.
Hisayrang nagsugod ang pagkawala sa biktima petsa 11 pa sa Oktobre ning tuiga.
