CAGAYAN DE ORO CITY – Dili maka-kompirmar ang kapolisan kung nalugos-patay ang 14 anyos nga dalagita nga nakit-an sa inahan sulod sa pansayan o comfort room sa ilang balay sa Zone 4,Brgy Bugo ning syudad.
Namahayag si Puerto Police Station investigator Senior Master Sgt Jerson Codila nga kini ang rason nga gisugyot niini sa inahan nga is Ellen Gargar nga ipaubos sa otopsiya ang iyang anak aron masuta ang rason sa kamatayon niini.
Sumala ni Codila nga walay nakit-an nila nga ilhanan nga gilugos ang biktima sanglit nagbula lang ang baba niini sulod sa pansayan.
Nasulti sa inahan nga nagka-high fever ang biktima sa ulahi niya nga pagkakita niini sulod sa ilang balay.
Kini ang rason nga gihimuan pa sa dugang imbestigasyon aron mahatagan sa katin-awan ang kalit nga kamatayon sa biktima.
Hisayrang nabaniug nga kaniadto ug nagsaysay sa biktima ngadto kang Bugo Punong Brgy Spencer Cailing nga nahiagom kini sa pagpang-molestiya sa mismo sa iyang kaugalingong uyuan.
