CAGAYAN DE ORO CITY – Gikinahanglan nang magsul-ob sa “face mask” ang tanan dalaw nga mulusod sa pasilidad sa Bureau of Jail Management and Penology kon BJMP-10.
Kini ang gimando ni BJMP-10 Chief Superintendent Arnorld Buenacoza agig “preventive measure” batok sa sakit nga novel corona virus nga nagsumikad sa China.
Gumikan niini, mapugos ang mga dalaw nga musul-ob sa maong mask ayha makita ang ilang mga mahal sa kinabuhi sulod sa male ug female jail dormitory.
Si Jail Officer 3 Inspector Orly Montalba, spokesperson sa Bureau of Jail Management and Penology 10 namahayag nga paspas makatakod ang maong bayrus busa, posible sab nga dali ang pagkuyanap sa bayrus gikan sa mga piniriso nga nagpunsisok sa usa ka selda.
