CAGAYAN DE ORO CITY – Gipasaligan ni City Mayor Oscar Moreno ang kapolisan nga hatagan sa hugot nga supporta.
Kini ang gibutyag sa bag-ong City Police Director nga si Police Col. Henry Dampal sa ilang panagtagbo sa kagahapon sa hapon.
Miingon si Dampal nga dako ang iyang pasalamat sa mayor sa gipadayag niini nga suporta alang sa pamulis sa syudad.
Kabahin sa gitahas ni Moreno kang Dampal ang likayan nga madugangan ang mahimong mamatay nga drug pushers sa matag-operasyon nga mopakita’g pagsukol.
Kabahin sa prioridad ni Dampal ang pagmintinar sa seguridad sa syudad ug pakigbatok sa ilegal nga droga,pasugal ug kontra terorismo.
